Hoxe é Venres 23 de Outubro de 2020

O Concello desinfecta o exterior dos Centros de Día que hoxe retoman a súa actividade

RR_Noticias

O Concello de Redondela desenvolveu na xornada de onte os traballos de desinfección exterior nos catro centros de día que funcionan no municipio – Arela, Cesantes. Cortizos e Galeón- ante o inminente inicio da súa actividade co obxecto de “garantir, en todo momento, a seguridade sanitaria dos veciños e veciñas que utilizan estes servizos”.O Goberno local critica que a Xunta non permitira antes a apertura destes centros polos prexuízos que este atraso provocou tanto entre os usuarios como entre as familias.

Os catro centros de día do municipio reinician hoxe a súa actividade logo de estar suspendida dende o inicio do estado de alarma. Co obxecto de “salvagardar a saúde dos nosos veciños” o Goberno local procedeu a realizar a desinfección da contorna destas instalacións para garantir un acceso seguro.
Como responsable da Terceira Idade a alcaldesa, Digna Rivas  considera “incomprensible” o atraso na reapertura destes centros cos “prexuízos en deterioro cognitivo e social que iso supuxo para os usuarios e usuarias e os prexuízos que isto supuxo para as súas familias”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *