Política • 22/02/2019
O presidente galego visitou esta mañán a residencia de maiores de Cesantes, onde anunciou un aumento de entre un 10% e un 75% nas contías que reciben en Galicia 19.000 dependentes. As instalacións de Cesantes contan con 25 prazas no Centro de Día, cubertas na súa totalidade, e outras 21 residenciais, das que están ocupadas 15.
|
Sociedade • 22/02/2019
Veciños de Chapela e Teis fan un chamamento a toda a cidadanía de Redondela e bisbarra a saír a rúa este sábado ás 18:00 horas para demandar, unha vez máis, que se elimine a peaxe en Rande e se avance noutras demandas xa históricas destes dous colectivos como son a colocación de pantallas acústicas e a conversión en vía urbana do tramo da autoestrada entre Torres de Padín e o centro da cidade de Vigo. Confían en que aínda hai tempo antes das eleccións para que Fomento avance nestas reclamación pero, en caso contrario, esixen que todos os partidos inclúan estas medidas nos seus programas electorais.
|
Política • 22/02/2019
O pleno aprobou cos votos a favor de todos os grupos e a abstención de AER, a proposta do goberno local de incrementar as axudas a entidades sociais, culturais e deportivas. Un incremento de 50.500 euros respecto do que viñan recibindo ata o de agora que benefician a colectivos como Asociación Andaina, Lenda, Asociación contra o Cancro, Cáritas ou Hermanos pobres de Teis entre outras.
|
Política • 22/02/2019
O edil do grupo municipal do PSOE de Redondela, Mauro Álvarez Castro, presentou onte a súa renuncia á acta como concelleira por motivos laborais. Álvarez, de 28 anos e veciño de Chapela, é enxeñeiro de telecomunicacións e até agora compatibilizaba o seu traballo profesional co seu labor de militancia política, sendo membro da executiva do PSOE de Redondela, delegado do Comité Provincial do partido en Pontevedra e tamén cun cargo en Xuventudes Socialistas de Redondela.
|
Sucesos • 21/02/2019
O derrube dun lateral da canle do río Alvedosa, coa caída de numerosas pedras que deixou practicamente no aire un tramo da beirarrúa na rúa Ernestina Otero, obrigou a colocar un valado de advertencia para evitar que os peóns pasen polo tramo afectado. A reparación terá que esperar xa que os técnicos aconsellan que eses traballos non se realicen ata que non diminúa o caudal do río.
|
CANLE RSS