Hoxe é Martes 19 de Marzo de 2024
Stations
NOTHING FOUND!
Current listeners: 
Peak listeners: 

Cerna

Radio CERNA é o primeiro espazo radiofónico especializado na temática medioambiental e ecoloxista en Galiza que elabora a asociación ecoloxista ADEGA

Radio CERNA emite diariamente, de luns a venres, espazos dunha duración aproximada de 10 minutos nos que se retransmiten contidos relacionados co ecoloxismo ou coa temática ambiental de Galiza que teñan interese informativo ou educacional para o conxunto da sociedade. CERNA analiza a realidade ambiental galega desde diferentes perspectivas (económica, social e política) e conta coa participación de colaboradores e colaboradoras especializados/as nos distintos eidos do ecoloxismo: biodiversidade, terminoloxía ambiental, lexislación sobre o medio ambiente, consellos para a vida cotiá, patrimonio natural e cultural, enerxías alternativas, toponimia, etc. Tamén informa das novas ambientais máis relevantes que teñen lugar cada semana no territorio galego e ofrece aos cidadáns un espazo de queixa ou denuncia pública de calquera situación que atente contra o noso patrimonio natural ou que sexa degradante para o medio ambiente galego.

A continuación sinálanse algunhas das seccións das que consta o espazo radiofónico Cerna de ADEGA:

Tema A FONDO:
Aborda un tema de actualidade ou de relevancia referente ao medio ambiente galego.

Terminoloxía sustentábel
Neste apartado defínense termos ou expresións utilizados nas ciencias naturais e explícase a súa funcionalidade ambiental.

Alternativas limpas
Nesta sección faise referencia aos estudos de investigación máis actuais que se basean nas novas formas de desenvolvemento socio-económico e ambiental inocuas para o medio, dándolle prioridade a temáticas sobre as enerxías renovábeis.

Consellos para a vida cotiá
Neste espazo danse recomendacións para convivir de xeito adecuado co medio ambiente e protexelo de axentes nocivos e contaminantes na nosa vida diaria.

Toponimia
Explicación do significado etimolóxico dunha localidade ou recuncho de Galiza, moitos deles relacionados co noso patrimonio natural, co obxecto de recuperar e apreciar a nosa memoria histórica.

Patrimonio
Falamos da riqueza cultural e patrimonial que Galiza agocha en todo o seu territorio coa intención de concienciar á sociedade galega da importancia do seu coidado e conservación.

Flora e fauna
Explícanse as peculiaridade das especies vexetais e animais propias ou endémicas de Galiza.

Lexislación Ambiental
Especialistas en dereito ambiental dan a coñecer as diferentes figuras lexislativas que nos obrigan e defenden das ameazas ambientais.

Boletín informativo semanal
O obxectivo é manter informado ó noso ouvinte dos atentados que sofre o ecosistema galego e das alternativas que existen para combatelos.

Audios do programa á carta

PLAYTítuloPrograma / SecciónFechaprograma_hfilter