Hoxe é Xoves 3 de Decembro de 2020

As obras de humanización da Avenida de Vigo rematarán no verán

RR_Noticias

Até o momento executouse un 40% do proxecto de mellora da PO-323 ao seu paso pola alameda de Chapela. Ademais do cambio de beirarrúas tamén se está traballando na rede de saneamento e canalización eléctrica para evitar as numerosas avarías que sofren os veciños da zona. O goberno local traballa na ampliación do estacionamento próximo á alameda e negocia con Adif para aumentar o número de prazas dispoñibles.

A Conselleira de Infraestruturas, Ethel Vázquez, xunto ao delegado da Xunta en Vigo, Ignacio López Chaves e o Alcalde de Redondela, Javier Bas, visitaron este mércores as obras de humanización que se están a acometer na Avenida de Vigo. Unha obra que comezaba a inicios de 2017 e consistirá, nunha primeira fase, na reurbanización da estrada ao longo dun quilómetro, a renovación integral das beirarrúas, que serán ampliadas para facilitar o tránsito de peóns e a mellora da totalidade dos servizos urbanos: abastecemento, saneamento, alumeado e canalizacións eléctricas. A obra conta cun prazo de execución de 18 meses e segundo anunciaba a conselleira estase cumprindo polo que se prevé que os traballos estean rematados no verán de 2018. Polo momento xa se completou un 40% da execución proxectada e arestora as obras céntranse na colocación de beirarrúas. Ethel Vázquez salientaba a importancia das obras para facer a Avenida de Vigo máis accesible e mellorar a seguridade viaria na zona, facilitando o acceso a Pescanova, así como a mobilidade nun espazo moi frecuentado ao carón da praza de abastos e a alameda. O alcalde de Redondela facía fincapé en que esta obra fará “máis amable e humano” este tramo de preto de un quilómetro de Chapela ademais de modernizar os servizos na zona coa implantación dunha nova tecnoloxía que reducirá o número de avarías que eran frecuentes nesta zona. O director técnico da obra salientaba a complexidade dos traballos xa que só se pode cortar o tráfico nun dos carrís o que obriga a traballar manualmente con maquinaria moi pequena. Ao que hai que sumarlle os problemas de fugas de auga e malas conexións co saneamento o que está a ralentizar os traballos. O goberno local buscar alternativas para os estacionamentos que se eliminan con esta reestruturación e que cifran en máis de setenta. Bas anunciaba que xa se está a traballar na posibilidade de adquirir uns terreo ao carón do estacionamento próximo á Alameda ademais de estar realizando xestións con Adif na estación vella de Chapela A obra conta cun orzamento de 2.338.855,05 dos cales o 85% é financiado pola Xunta e o 15% restante pola concello de Redondela.  

Conselleira Infraestruturas Ethel Vazquez
A conselleira asegura que as obras rematarán antes do previsto e no verán serán unha realidade
Alcalde Redondela Javier Bas
Bas subliña a importancia das obras xa que tamén permitirán rematar coas numerosas avarías que se rexistraban na zona
Director Técnico
Trátase dunha obra complexa e con numerosas incidencias na execución
Alternativas estacionamento
O goberno local está a buscar alternativas para as prazas de estacionamento que se suprimen

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *