Hoxe é Xoves 29 de Outubro de 2020

O Campito F.S estréase na Terceira Autonómica

RR_Noticias

O conxunto de Iago Fernández comeza a tempada este sábado en terras herculinas fronte “5 Coruña” cun equipo renovado de doce xogadores e co obxectivo de manterse na categoría ao final de tempada. Chegan a unha competición esixente e competitiva pero fano con ilusión e moito traballo detrás.

Dende finais do mes de xullo o Campito F.S axusta o novo equipo que este ano se caracteriza pola súa xuventude. Moitas caras novas que están en torno á vintena como as de Miguel Ángel Docampo, Lucas Domínguez, Cristian Pérez ou Martín Alén pero tamén xogadores que aportarán experiencia como é o caso do porteiro Jorque Cortes, unha das fichaxes estrela deste ano que xa estivo baixo os paus do Leis Pontevedra, Bembrive e Pazos de Borbén. Doce xogadores, que poderían verse reforzados con dúas novas incorporación e cos que o conxunto local encara o reto da Terceira Autonómica na que terán que medirse a conxuntos consolidados e con anos de experiencia como o Pazos de Borbén, o Coruña, Bueu ou Ourense. O adestrador, Iago Fernández, recoñece que é un reto difícil pero o afrontan con ilusión e moito traballo. Cuns xogadores que chegan por primeira vez á Terceira división pero con moita enerxía e expectativas dada a cohesión que amosou o conxunto nesta pretempada. A primeira oportunidade de ver ao novo Campito na pista será este sábado en terras herculinas, até onde viaxarán para enfrontarse ao 5 Coruña. Un rival complicado que remataba a pasada tempada na metade alta da clasificación, como sexto. Para estrearse na casa terán que agardar até o 23 de Setembro, data na que recibirán ao St. Isabel, un equipo que tamén chega este ano á categoría pero que remataba a pasada campaña como campión da Liga Galega Norte. O resto dos equipos locais arrancarán a tempada o 23 de setembro, día no que dará comezo a competición na Autonómica Preferente Sur e o farán fóra da casa. O Redondela F.S visitará o campo do Celado F.S e o Arealonga medirase co Cesures.

Adestrador Iago Fernández
Márcase como obxectivo a permanencia na categoría aínda que recoñece que é un reto difícil
Novas fichaxes
O Campito presenta un equipo renovado e moi novo con xogadores que están en torno aos vinte
"5 Coruña" primeiro rival
Comezan tempada fóra da casa en terras herculinas. Até o día 23 non poderemos velos en Redondela

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *