Hoxe é Xoves 20 de Xuño de 2024
Stations
NOTHING FOUND!
Current listeners: 
Peak listeners: 

O artesán Alvaro M. Leiro, pregoeiro da Festa do Ovo en Nespereira

alvaro leiro

XVIII edición dunha cita gastronómica que se celebra este domingo na parroquia de Nespereira en Pazos de Borbén e que ten como maior atractivo pratos elaborados con ovos da casa doados polos propios veciños da zona. O recinto abrirase ás 11:00 e as 13:30 terá lugar a lectura do pregón a cargo do gañador do Premio Nacional de Artesanía, Alvaro M. Leiro. As celebracións arrancan xa na noite do venres coa festa da Xunventude a partir das 23:30 horas.

Estímase que serán ao redor de 1500 persoas as que se acheguen a esta festa atraídos por eses pratos preparados cun produto modesto ao tempo que exquisito, como son os ovos da casa. O prato estrela será un ano máis os ovos fritidos con patacas e chourizo, pero haberá tamén a posibilidade de degustar tortillas de pataca, empanadas de atún e ovo, tortillas francesas recheas e grelos cocidos con patacas e ovo.

Unhas racións xenerosas que se acompañarán como sobremesa de biscoito caseiro, pan e para beber auga ou viño.

Festa da xuventude

O torreiro da festa acollerá na noite do día 17 un festival de DJs coa actuación de Maqui Álvarez, Borja Solla, Rodri Vegas e Olalla González. A festa contará cunha carpa para protexer aos asistentes da meteoroloxía e tamén unha barra de bebidas.

Do mesmo xeito que a Festa do ovo esta actividade está organizada pola Asociación de Veciños do Carme de Nespereira.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará