O corte de tráfico protagonizado por un cento de veciños das parroquias de Saxamonde e Nespereira tiña lugar na tarde de onte no Alto dos Valos e afectou a un dos carrís da N-550 o que obrigou a intervir aos axentes da Garda Civil e a Policía nacional para controlar a circulación de vehículos. Unha protesta que supón agravar as mobilizacións, xa que ata o de agora os cortes de tráfico afectaban exclusivamente a estrada provincial. Alex Pérez dende a Plataforma explica que o motivo da protesta, que se vai prolongar en vindeiras semanas busca “facerse escoitar e que o organismo provincial se comprometa, cando menos, a recibirnos porque xa estamos cansos de promesas sen compromisos”.
Insisten en que o convenio remitido dende a Deputación ao Concello “non inclúe prazos, cando levamos anos reclamando esta obra imprescindible”. Critican tamén que a actuación formulada nese convenio supoña o arranxo de tan só 1,5 kilómetros da EP-2902 cando a súa demanda é que se arranxen os oito kilómetros da vía que lembra, é moi empregada tamén polo tráfico pesado que se dirixe cara o Polígono de Amoedo con risco que iso supón.
Os manifestantes lembran que continuarán coas protestas ata que os reciban na Deputación ou arranquen as obras
