Recepción no Concello de Pazos a Durán Clemente polo alcalde, Luciano Otero
O coronel precursor da Revolución dos Cravos que puxo fin a un longo período de ditadura en Portugal, Manuel Durán Clemente, chega a Redondela da man do Colectivo Republicano para participar nunha charla que se desenvolverá este xoves ás 19:30 horas no Multiúsos da Xunqueira e que contará tamén coa intervención de Manuel Ruíz Robles, portavoz do colectivo de militares democrátivos (Anemoi).
O Concello de Redondela conmemora o 50º aniversario da Revolución dos Caraveis (Revoluçao dos Cravos) cun acto que se celebra este xoves, día 9 de maio. O coronel Manuel Durán Clemente, con ascendencia en Redondela e Pazos de Borbén, recibirá unha homenaxe ás 19.30 horas no auditorio da Xunqueira. Durán Clemente é voceiro do Movemento das Forzas Armadas (MFA), precursor da Revolución dos Caraveis que derrubou a ditadura salazarista vixente durante 48 anos en Portugal.
Durán Clemente será o gran protagonista desta xornada organizada polo Colectivo Republicano de Redondela e a Federación de Ateneos de Galicia xunto co Concello de Redondela. Haberá unha mesa redonda na que participarán Durán Clemente e Manuel Ruíz Robles, ex-membro da Unidade Militar Democrática e voceiro de Militares Democráticos (Anemoi).
Rematada a charla, que pretende ser un acto participativo do público, soará o histórico “Grândola Vila Morena”, canción de Zeca Alfonso escollida polo MFA como sinal do inicio da Revolución dos Caraveis en Portugal. O tema estará interpretado por Eduardo Rodríguez Cunha “Tatán”, Branca Francés, Josiño do Viso, Fon Conde e Berto Covelo.
Previamente, tanto no Concello de Pazos como no de Redondela celebráronse actos de recepción ao Coronel Durán por parte do alcalde de Pazos Luciano Otero e a Alcaldesa de Redondela, Digna Rivas.
