Hoxe é Luns 20 de Maio de 2024
Stations
NOTHING FOUND!
Current listeners: 
Peak listeners: 

Rouban na churrería Pepe de madrugada

churrería pepe

O icónico establecemento de hostalaría da Xunqueira foi asaltado na madrugada do luns para o martes. O botín foi elevado, xa que malia non atopar unha gran cantidade de cartos na caixa rexistradora levaron a recadación da máquina de tabaco, así como paquetes de cigarros, bebidas e outros produtos que venden no local. A Policía Nacional investiga agora como puideron acceder ao interior do mesmo sen forzar as portas.

Os ladróns terían accedido durante a noite do pasado luns ao interior da cafetería churrería situada ao carón da pista da Xunqueira e os xulgados. Unha vez no local os delincuentes apropiáronse dos cartos da máquina de tabaco así como o cambio que había na máquina rexistradora. Con todo, a maior perda económica estaría nos produtos que levaron: botellas de bebidas alcohólicas e refrescos así como lambonadas e outros produtos que se venden no bar. Tamén se fixeron co tabaco que había na máquina.

Foi o propietario do local o que se decatou do acontecido na mañá de onte cando se dirixiu a abrir o negocio e atopou todo o interior revolto. A Policía Nacional fíxose cargo da investigación e, malia que en principio non houbo ningunha testemuña, visionarán as cámaras do xulgado para tentar atopar ao autor ou autores do roubo.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará