A actividade, orientada a nenos e nenas a partir dos catro anos, desenvolverase na sala infantil do Multiúsos da Xunqueira o xoves 23 ás 18:00 horas. Está enmarcada dentro do programa “Tardes de Outono. Contos en familia” que organiza a Fundación Filomena Rivero Alonso. A actividade é de balde pero é necesaria a inscrición previa a través do correo electrónico info@tallerabierto.gal ou no whatsapp 617340323.
O narrador Anxo Moure será o encargado desta terceira proposta co seu espectáculo de narración oral , Pés de lobo. A última das propostas será o xoves 30 de novembro con “A nena e os Tres Osos” a cargo de Bea Campos, pensada para nenas e nenos máis cativos, de entre 1 e 3 anos.
