Hoxe é Martes 19 de Marzo de 2024
Stations
NOTHING FOUND!
Current listeners: 
Peak listeners: 

Prudencia nas Comunidades de Augas ante a escaseza de precipitacións

auga

As chuvias que se esperan ou as ocasionais que nos acompañaron nas últimas semana non son suficientes para encher uns depósitos que se atopan medio baleiros logo dun verán especialmente seco. O temor a que o mes de outubro sexa tamén pouco chuvioso fai que as Comunides de Augas extremen as precaucións e manteñan as restriccións en canto ao consumo. Ese é o caso da comunidade do barrio de Asnelle en Reboreda que manteñen o limite nos 250 litros por vivenda.

A prudencia é o que marca esta medida segundo explica o presidente da comunidade, José Manuel Caride. Insiste en que neste momento a situación non é preocupante “superado o verán a xente non precisa de tanta auga para regar e o consumo adoita baixar, ademais contamos cun novo depósito pero, con todo, optamos por manter ese baremo dos 250 litros en vistas ao que poida pasar de cara a outubro”. Insiste en que ten que chover máis totalmente a normalidade.

José Manuel Caride, presidente da Comunidade

Aplaude tamén o comportamento veciñal que “asumiu de bo grado as restricións porque son conscientes de que existe un problema coa auga” e agradece tamén que moitos veciños tiraran dos seus pozos para non gastar da traída e garantir así o abastecementos aos que non contan con subministro propio “déronnos unha lección de comunidade e de comportamento responsable”.

Encoro de Eiras

En canto a situación do encoro de Eiras, do que se abastecen os veciños de Redondela que reciben augas a través da traída municipal, atópase nestes intre a un 72% da súa capacidade. O volume de auga embalsamada ascende a 16 hectómetros cúbicos o que representa o 72% da súa capacidade total. O dato non é preocupante pero si marca unha tendencia, xa que o ano pasado a estas alturas atopábase a un 81%, nove puntos por riba respecto a este ano.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará