Hoxe é Domingo 29 de Maio de 2022
Stations
NOTHING FOUND!
Current listeners: 
Peak listeners: 

Cultura investirá 500.000 euros no acondicionamento de varias edificacións da Illa de San Simón

illa san simón

O conselleiro de Cultura, Educación e Universidade, Román Rodríguez anunciaba este investimento nunha visita a Illa o pasado sábado no que insistiu en que o obxectivo da actuación de resolver problemas de humidade e danos causados polas inclemencias do tempo e garantir a conservación e uso da Illa como recurso cultural.

Román Rodríguez visitaba a Illa de San Simón, onde está previsto poñer en marcha un proxecto para garantir a conservación das estruturas e inmobles existentes tanto en San Simón como na Illa de San Antón. “Este é un espazo único que conta cunha gran riqueza histórica, patrimonial e paisaxística e que o converten nun recurso emblemático para o desenvolvemento de actividades culturais”, indicou o conselleiro antes de engadir que o obxectivo da Xunta é facilitar que a illa sexa “visitada e gozada pola cidadanía”.

Para conseguilo, a Xunta dedicará 500.000€ a realizar obras que contribúan ao “debido mantemento deste ben para promover tanto os usos existentes como implantar outros novos que reforcen o seu atractivo”.

O proxecto inclúe a restauración das instalacións, especialmente as relacionadas coa subministración de auga potable, a prol dun consumo máis eficiente. Tamén se actuará nas diferentes construcións existentes para recuperar o seu aspecto orixinal e garantir a súa sustentabilidade. Nesta liña, vaise intervir nos edificios do Seminario, do Centro de Interpretación e da Casa da Cultura, así como no comedor.

A Xunta leva investidos xa preto de 400.000 euros en diferentes actuacións nas illas de San Simón e de San Antón, con melloras nos edificios e noutros elementos construtivos, como os peiraos, ademais de varias plantacións. 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará