Hoxe é Domingo 29 de Maio de 2022
Stations
NOTHING FOUND!
Current listeners: 
Peak listeners: 

O coronavirus reduce ao mínimo as festas de San Vicente de Trasmañó

trasmañó

A directiva da Comisión de festas non renuncia ao completo a unhas festas patronais que se van celebrar esta fin de semana, o sábado 22 e domingo 23. Con todo, o programa redúcese notablemente e ademais dos tradicionais actos relixiosos, que se desenvolverán con estritas medidas hixiénicas, soará a música da charanga Santa Cecilia, que percorrerá a parroquia na xornada do sábado para evitar as aglomeracións da xente.

Atrás quedan grandes eventos de edicións anteriores como a festa do cocido que congregaba a centos de persoas baixo unha carpa climatizada para degustar un prato tan típico desta época. No ano 2020 celebrábase por última vez esta cita gastronómica logo de que o ano pasado a situación sanitaria impedira a súa organización.

Juan González, presidente Comisión de Festas

A comisión contaba con poder retomar este ano todas esas actividades, pero unha vez máis e por prudencia deciden ser conservadores na organización e reducir o programa, incluíndo tan só como xeito de animar a parroquia os pasarrúas da Charanga Santa Cecilia o sábado e a actuación das pandereteiras “ledicia” ao remate da misa na honra de San Blás que terá lugar o domingo ás 13:00 horas.

Instalarase tamén unha barra de bar na que se servirán bebidas pero sempre facendo un chamamento a prudencia confiando en que o ano que vén as cousas si estean mellor “esperamos que este ano sexa o da recuperación tamén das festas patronais e todos eses eventos que tanto botamos de menos”.

Unha comisión que continúa traballando coa satisfacción de ter repartido un chisquiño de sorte entre a veciñanza grazas ao premio da lotería de Nadal.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará