Hoxe é Venres 30 de Setembro de 2022
Stations
NOTHING FOUND!
Current listeners: 
Peak listeners: 

Ignacio González: “O 48% dos axentes da Policía Local non están de servizo”

pleno comparecencia

“Solicitamos o reforzo da Policía Nacional e de Protección Civil para paliar as baixas na Local”, así o explicaba o concelleiro de interior quen comparecía no último pleno do ano para dar explicacións sobre a situación do servizo da policía local. Unha comparecencia a petición de AER na que Ignacio González explicaba que a día de hoxe dos 25 efectivos cos que conta o servizo hai 10 que están de baixa por incapacidade temporal e dous por coidado do menor. Afirmaba tamén que estas baixas non se poden substituír “porque nese servizo non existe a figura do interino”.

Unha situación que se tenta paliar cun reforzo coa policía nacional e protección civil, a quen lle agradecía especialmente a súa colaboración porque malia ser un servizo non remunerado en todo momento traballan para garantir a seguridade. Lembraba tamén que se lle propuxo aos axentes realizar horas extras para cubrir o servizo “pero non houbo ningún voluntario”.

Lamentaba finalmente o edil o que cualificou de política de desgaste por parte de AER coa solicitude deste tipo de comparecencias na vez de colaborar coa solución do conflito que, a o seu entender, vaise manter unha vez que a corporación non aprobou o complemento de nocturnidade e festividade que ía beneficiar particularmente aos efectivos da Policía Local.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará