Hoxe é Luns 29 de Novembro de 2021
Stations
NOTHING FOUND!
Current listeners: 
Peak listeners: 

Ventosela acolle este sábado unha xornada de xogos, castañas e música organizado por Sinha Paca

sinhapaca

A Plataforma de Activistas Culturais e Artistas de Redondela, Sinha PACA xunto ao Concello organizan este sábado 13 en Ventosela un completo programa de actividades para todas as idades que arrancará ás 11:00 horas e se prolongará ata a medianoite.

As actividades comezarán pola cos xogos populares que tanto singularizaran as súas celebracións: trompos, zancos, xogo da ra, da chave, bolos, mouróns, quebracabezas, carreiras de caracois, labirintos e demais xogos estarán a disposición das 11 ás 13h, baixo a supervisión de monitores/as. Esta actividade está pensada para os máis cativos, aínda que non hai idade límite. O que si hai é límite de inscrición: máximo 50 nenos e nenas, para garantir o xogo seguro. As persoas interesadas poden inscribirse no email sinhapaca@gmail.com, indicando o nome e a idade do participante.

Olga Nogueira, colectivo Sinha Paca

Ao mediodía a cantina da Cultural de Ventosela ofrecerá un menú a 12€ coa castaña como elemento central: crema de castaña, codillo con castañas e biscoito de castaña. Os interesados poden facer as reservas na propia cantina. Teléfono: 986404682.

Xa na tarde as actividades arrincan ás 17h con pregón a cargo do artista Suso Ben. Tanto os xogos populares como a lectura de pregón contarán con intérprete en lingua de signos. Ás 18h haberá unha actuación de baile a cargo do grupo O carballo das cen pólas, de Reboreda. E ás 19h darán comezo os concertos das Efémeras e Acordeireta. A festa contará cun DJ que amenizará toda a xornada e que prolongará á noite a festa.

O magosto propiamente terá lugar de tarde, onde se servirán castañas en dúas quendas: unha ao rematar a actuación de baile e outra no cambio de grupos. Ofreceranse castañas asadas até esgotar existencias.

Dende Sinha Paca explican que o motivo de trasladar o magosto, que viñan facendo na vila, a esta aldea, que ten o San Martiño por patrón e que, por mor do falecemento do anterior presidente da Comisión de Festas, corrían o perigo de non contar con celebración por segundo ano consecutivo. Desta maneira, Sinha PACA cumpre o seu cometido supraparroquial e San Martiño de Ventosela gozará dun día de festa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *