Hoxe é Mércores 1 de Decembro de 2021
Stations
NOTHING FOUND!
Current listeners: 
Peak listeners: 

Chapela contará con pantallas acústicas de metacrilato

pantallaschapela

O proxecto de construción de instalación de pantallas acústicas na autoestrada AP-9 no enlace entre O Morrazo e Teis é xa unha realidade, unha vez que na xornada de onte saída publicado no BOE e se iniciaba a fase de exposición pública. A actuación suporá un investimento total de máis de sete millóns de euros (7.091.393 euros) e contempla a instalación dun total de 14 pantallas divididas en tramos de diferentes alturas repartidas ao longo do ámbito da actuación.

As actuacións incluídas no Proxecto supoñen implementar apantallamentos para atenuar os niveis acústicos provocados polo tráfico que discorre pola AP-9 no tramo que vai dende O Morrazo ata Teis e contempla a colocación de pantallas de metacrilato cunha altura de 0’9 a catro metros.

Proxéctanse un total de 14  pantallas acústicas divididas en tramos de diferentes alturas repartidas ao longo do ámbito de actuación que supoñen un total a colocación de 2.931 m liñais.  A maior parte das pantallas ciméntanse sobre o terreo, aínda que tamén hai tramos anclados a muros.

Ábrese agora a fase de exposición pública que se prolongará durante un mes, prazo no que aqueles que así o consideren poderán presentar as alegacións oportunas a este proxecto.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *