Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

Medio Ambiente abre un novo expediente a Urbaser

urbaser

Trátase do segundo informe negativo no último ano e refire deficiencias na rotulación, limpeza e reparación de contenedores así como na recollida de voluminosos

A concellaría de Medio Ambiente de Redondela vén de presentar un novo expediente de penalidades contra á concesionaria do servizo de recollida de lixo do municipio, Urbaser ante as deficiencias detectadas no desenvolvemento do servizo e o incumprimento reiterado do prego de prescricións técnicas asinado coa concesionaria.

Entre outras, o expediente de Medio Ambiente refírese a que os contenedores carecen da rotulación necesaria (non conteñen o horario e días nos que se poderá efectuar o depósito do lixo); non se está a proceder á súa desinfección mensual (ou non se pode certificar xa que Urbaser non remite os informes) e non se están a reparar nin a repoñer. Tamén apunta o informe á recollida de voluminosos, constatando que non se está a cumprir co prazo de 48 horas para a súa recollida, tal e como figura no prego de prescricións técnicas.

O concelleiro de Medio Ambiente, Roberto Villar, “lamenta que a reunión levada a cabo o pasado 22 de xuño en Valladolid co xefe de zona de Urbaser, Óscar Sanzo, para buscar solucións aos incumprimentos finalmente non servira para avanzar e esixe unha solución definitiva”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *