Hoxe é Luns 20 de Setembro de 2021
History
Stations
NOTHING FOUND!

Redondela renova o seu mobiliario urbano

Papeleiras 02

O goberno local de Redondela iniciou, nestes días, a renovación de bancos e papeleiras optando por “deseños máis actuais e funcionais e con materiais de longa duración que minimicen o seu mantemento”, informou a alcaldesa, Digna Rivas. Os traballo, ao abeiro do Plan Concellos 2019 da Deputación de Pontevedra, permitirán a substitución de papeleiras nas rúas Xeneral Rubín, Ribeira, Alfonso XII, Pai Crespo, José Regojo e Paseo da Xunqueira. Os bancos, pola súa banda, substituirán aos actuais que se atopan no paseo da Xunqueira. En canto aos materiais, para as papeleiras optouse por unha estrutura e cubeta de aceiro con tratamento ferrus, que garante unha óptima resistencia á corrosión. No que aos bancos fai referencia, contan con pes de fundición –co mesmo tratamento anticorrosión que as papeleiras– e seis taboleiros de madeira tratada con protector funxicida, insecticida e hidrófugo.

O mobiliario substituído que estea en boas condicións, será reubicado nas parroquias que así o solicitaron previa preparación do mesmo. Rivas salienta o feito que esta renovación do mobiliario urbano “amais de modernizar a imaxe do casco urbano, permitirá que as parroquias poidan dispoñer do material substituído logo de ser revisado e recuperado para que quede en perfecto estado de uso”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *