Hoxe é Luns 20 de Setembro de 2021
History
Stations
NOTHING FOUND!

Traballos de catalogación patrimonial no Campo de Voluntariado de San Simón

CampoVoluntariadoSanSimon

Unha ducia de mozos participan no Campo do Voluntariado que a Xunta de Galicia organiza na Illa de San Simón. Nesta proposta de ocio e formación os rapaces realizarán ata o vindeiro 13 de agosto labores de catalogación e conservación dos elementos patrimoniais e de apoio ás actividades culturais. A delegada territorial en Vigo, Marta Fernández-Tapias, fíxolles hoxe unha visita na que lembrou que a Illa de San Simón “está intimamente vencellada a algunhas das traxedias e avatares marítimos máis relevantes da historia de Galicia e que hoxe representa un enclave único de gran valor cultural e patrimonial” Os participantes están a gozar dun amplo programa de actividades que inclúe visitas interpretativas e teatralizadas polas illas de San Simón e San Antón, mostrando o seu pasado e presente, así como a súa biodiversidade e conxuntos artísticos; labores de catalogación e conservación das instalacións e dos elementos patrimoniais; e de apoio ás actividades culturais.

Asemade, os mozos e mozas terán oportunidade de gozar doutras actividades complementarias iniciándose nos deportes náuticos tradicionais (traiñeiras e bateis), no baile tradicional galego e coñecendo os usos, costumes e artes tradicionais de pesca da zona, entre outras propostas.

Estes campos de voluntariado, tal e como sinalou Fernández-Tapias, están orientados a mozos e mozas entre 18 e 30 anos de idade nunha proposta de ocio que aposta pola conciliación familiar e laboral, a formación biosaudable dos mozos e a seguridade sanitaria. Neste sentido, recordou que, por mor da covid-19, reducíronse os aforos das actividades, reforzouse o persoal e incrementáronse as medidas hixiénico-sanitarias.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *