Hoxe é Luns 20 de Setembro de 2021
History
Stations
NOTHING FOUND!

Juan Amoedo: “O Choco ten ilusión e fame por crecer”

ChocoTécnicos1

Juan Amoedo, no centro, co resto do corpo técnico

O adestrador redondelán está de volta na que durante anos foi a súa casa. Faise cargo do primeiro equipo, na Terceira División, un reto que asume “cor orgullo e tamén con moito respecto”. Logo de ser xogador e tamén adestrador das categorías base do CD Choco, foi técnico de equipos como o Arcade ou o RC Celta. Agora substitúe no banco redondelán a Gonza Fernández. O club volve apostar “pola mocidade e por un adestrador da casa”. O adestrador explica que chega para dar continuidade á filosofía do club “que ten unha forma de xogar e adestrar moi característica que xa forma parte do ADN do Choco”. Con todo, advirte que haberá que engadir “algúns matices” para adaptarse ao fútbol actual “e non ser tan previsibles”

Juan Amoedo, adestrador do Choco

O obxectivo da próxima temporada será o mesmo: a permanencia en Terceira División, aínda que sen renunciar a cotas maiores. Amoedo sinala que serán os xogadores os que marquen os obxectivos, e que teñen “ilusión e fame por crecer”, e avanza que a creación dunha nova categoría, a Segunda Federación, tamén terá incidencia na Terceira

O técnico fala dos obxectivos do equipo para a próxima temporada

Hoxe xoves comezan a pretemporada, e xa coñecemos ao corpo técnico que vai acompañar a Amoedo. Carlos Rodrigues será o segundo adestrador, trátase dun ex xogador e internacional da Selección Brasileira. Na área técnica tanto Juan como Carlos estarán apoiados por Fernando Berdomás, un home da casa. Na posta a punto dos xogadores Pablo Sanromán será o preparador físico. E como asistente Amoedo contará con Aitor Leiro, que se ocupará do coidado individual do futbolista.O Choco comezará a competición coa Copa Federación, que arranca o 8 de agosto contra o Coruxo. Será precisamente o equipo do ex adestrador choqueiro, Gonza, co que se mida o conxunto redondelán.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *