Hoxe é Venres 23 de Xullo de 2021

O remo galego dáse cita en Chapela

bandeirasChapela

A liga galega de traiñeiras ten mañá sábado unha dobre cita en augas de Arealonga. O C.R. Chapela organiza a XXXV Bandeira Concello de Redondela da LG-B e a VI Bandeira Concello de Redondela Feminina. Ás 17.30 horas comeza a regata feminina, na que as anfitrioas tentarán facerse coa bandeira, e ás 18.30 será a quenda da LG-B masculina. O presidente do club, Julio Prado, confía en que sexa unha xornada na que deportistas e afeccionados poidan gozar da categoría raíña do remo. O feito de seren anfitrións é unha vantaxe para os remeiros, que coñecen mellor que ninguén o campo de regatas, “pero tamén supón máis responsabilidade e presión por querer facelo ben diante do seu público”, sinala Prado. No club recoñecen que nesta ocasións teñen opcións de facerse coa bandeira na categoría feminina. Neste comezo de liga tanto a traíña de Chapela, que é segunda na xeral, como Cabo de Cruz, actualmente líder a un punto de distancia, son favoritas.

Julio Prado, presidente do C.R. Chapela

Será unha fin de semana sen tempo para o descanso, xa que o domingo a LG-B e a Liga Feminina teñen regata en Mugardos.

Un positivo obriga ao Cesantes Rodavigo a perder dúas regatas

Un remeiro do club redondelán deu positivo en Covid nun test de antíxenos realizado o pasado mércores. O protocolo obriga ao confinamento de toda a tripulación que competiu en Perillo a pasado fin de semana. Os deportistas deben permanecer illados até o próximo día 20, polo que Cesantes non poderá remar mañá sábado na localidade coruñesa de Mera nin o domingo na regata que organiza o C.R. Mecos no Grove.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *