Hoxe é Sábado 27 de Novembro de 2021
Stations
NOTHING FOUND!
Current listeners: 
Peak listeners: 

O novo acceso ao Peirao de Arcade mellora a mobilidade de coches e peóns

ViaPeiraoL

O Concello de Soutomaior rematou os os traballos de acondicionamento e humanización do novo viario de acceso ao Peirao de Arcade. A mellora eliminou un antigo almacén privado xunto ás vías do tren e permitiu urbanizar a contorna do edificio multiusos de Arcade. Conta con novas beirarrúas de tres metros de ancho, unha zona de aparcadoiro con 30 prazas e serve para dar continuidade á viaria que discorre paralela ás vías do tren até a rúa Carburos. A vía ten un sentido de circulación único, “o que permite gañar espazo para os peóns”, indicou o alcalde, Agustín Reguera. As obras incluíron un sistema de iluminación de baixo consumo, rede de recollida de augas pluviais, mobiliario urbano e un novo aparcadoiro para bicicletas. Con esta actuación o rexedor confía en mellorar a mobilidade dos veciños da zona, tanto condutores como peóns, e tamén dos usuarios do multiusos “un dos grandes centros da actividade municipal, que agora é máis acolledor e accesible”, apunta Reguera. A actuación contou cun orzamento de execución material de 88.000 euros, financiado a través do Plan Concellos da Deputación de Pontevedra.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *