Hoxe é Venres 17 de Setembro de 2021

O BNG demanda que se eliminen os requisitos para asistir ás ludotecas de verán

XoanCarlosBNG

O programa de conciliación de verán do Concello de Redondela, para crianzas de 3 a 12 anos, ten aberto o prazo de solicitudes ata o 14 de xuño. Desde o BNG entenden que o proceso de inscrición “é engorroso e mesmo disuasorio”, polo que demandan ao goberno local un proceso “máis flexible” así como a ampliación do período de solicitude. O concelleiro nacionalista, Xoán Carlos González, agardaba unha modificación do sistema actual “moi complexo e herdado do anterior goberno do PP” por outro “máis sinxelo”. González lembra que o sentido das ludotecas é “facilitar espazos de convivencia e lecer de calidade para os cativos durante o verán”, e na actual situación de pandemia estas actividades adquiren un papel “moi relevante”. Por iso desde o grupo nacionalista demandan ao goberno local “que se poñan os medios necesarios para responder ás demandas de todas as familias que queiran facer uso destas actividades” e que se eliminen “todos os requisitos para a inscrición”. O programa de conciliación da concellería de Igualdade, para os meses de xullo e agosto, dá prioridade aos nenos cuxos proxenitores traballan fóra do fogar.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *