Hoxe é Domingo 13 de Xuño de 2021

O xuvenil do Choco pelexa pola continuidade na División de Honra

PreviaChocoXu

Moita emoción na última xornada da liga da categoría Xuvenil División de Honra, na que aínda queda moito por decidir. Apaixonante será o partido que o domingo afrontarán os de Alberto Suárez no campo de Convagonda ás 12.00 horas fronte ao TSK Roces. Dous rivais directos nesta última xornada pois tan só os separa un punto e dous postos. O equipo xixonés ocupa a ansiada 4ª praza, que pecha as posicións de salvación, mentres que os de Redondela están na 6ª, igualados a puntos co Arenal. Con todo, o Choco non depende de si mesmo, e ademais dos 3 puntos dependerá dos resultados que se poidan dar noutros dous partidos. Sexa como for, o persoal choqueiro viaxa co obxectivo de facer pleno. O equipo redondelán non viaxará só, parte da Xunta Directiva acompañará ao equipo, como é habitual, e tamén estarán arroupados por algúns afeccionados e familiares dos xogadores.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *