Hoxe é Martes 11 de Maio de 2021

O CEIP Porto Cabeiro gaña o concurso das Letras Galegas 2021 da Xunta

cole cabeiro

O proxecto “Xela Arias e as palabras” resultou vencedor na categoría de Educación Infantil e Primaria no certame organizado pola Xunta de Galicia. O Concurso-Exposición celébrase co obxectivo de poñer en valor e dar a coñecer a autora Xela Arias, a quen a Real Academia Galega lle dedica este 17 de maio o Día das Letras Galegas. A iniciativa busca ofrecerlle aos centros educativos de Galicia materiais de calidade -xogos de carteis e unidades didácticas- para traballar desde as aulas a figura homenaxeada en todos os niveis educativos desde infantil ata bacharelato ou formación profesional. A exposición gañadora na categoría de Educación Infantil e Primaria é “Xela Arias e as palabras”, elaborada polo colexio redondelán, que se impuxo cun proxecto didáctico arredor da autora que salienta “pola súa orixinalidade e creatividade, pola beleza estética e pola diversidade das técnicas empregadas na procura de difundir a vida e a obra de Xela Arias entre o público máis novo”.

Como premio, o CEIP Porto Cabeiro recibirá 2.000 euros en metálico. O profesorado implicado no deseño e posta en marcha da exposición seleccionadas obterá unha certificación de premio de innovación educativa. Ademais, a coleccións de carteis que integran a mostra e a guía didáctica estará accesibles desde o Portal da Lingua Galega, para a súa descarga libre e de balde, canda outros materiais especialmente elaborados polos equipos de dinamización da lingua galega.

Na categoría de ESO, Bacharelato, FP e Educación Especial, o traballo gañador foi “Abecedáriome”, do IES Plurilingüe de Ames, co que o equipo de traballo conseguiu plasmar a vida, a obra e a época de Xela Arias a través dun conxunto de carteis.

Sabela Gil e Isabel Valiño con Susana Crespo, coordinadora do Equipo de Normalización Lingüística co CEIP Porto Cabeiro

Sabela Gil, asesora da Secretaría Xeral de Política Lingüística e Isabel Valiño, coordinadora dos Equipos de Normalización de Lingua Galega de Pontevedra, visitaron o centro redondelán para darlles os parabéns polo premio.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *