Hoxe é Sábado 27 de Novembro de 2021
Stations
NOTHING FOUND!
Current listeners: 
Peak listeners: 

O Secretario de Infraestruturas comprométese a novas melloras na reposición de viais da AP-9

transmaño

Entre esas melloras estaría o arranxo da Ponte de Trasmañó no acceso cara a N-552 incrementando a seguridade e accesibilidade da vía, o arranxo da totalidade do camiño Mouriño ou a mellora do camiño do Piñeiral.

Un compromiso que adquiría o secretario xeral de Infraestruturas do Ministerio de Transportes, Mobilidade e Axenda Urbana, Sergio Vázquez Torrón, na xuntanza telemática celebrada esta semana coa alcaldesa de Redondela, Digna Rivas, e os concelleiros de Medio Ambiente e Urbanismo. Na xuntanza trataron algunhas das alegacións presentadas pola veciñanza e colectivos de Chapela que non están recollidas no proxecto actual e que o secretario comprometeuse a incluír.

Entre esas melloras, que o concello cualifica como “irrenunciables”, está a necesidade de arranxar a Ponte de Trasmañó no que fai referencia a súa accesibilidade cara a N-552 mellorando as súas condicións de seguridade e de comodidade. En canto, ao camiño Mouriño, a rexedora local e o edil de Medio Ambiente, Roberto Villar, trasladáronlle que “era inaceptable a reparación só da metade do camiño” como se recolle no proxecto actual e tamén lle comunicaron a necesidade de incluír a mellora do camiño do Piñeiral.

Na reunión tamén se falou da redacción do proxecto da Avenida de Redondela “unha obra que contribuirá a mellorar Chapela, a calidade de vida da súa veciñanza e coa que se paga unha débeda histórica coa parroquia”, segundo apuntan dende o goberno local.

As conclusións da xuntanza foron trasladadas este xoves á Asociación de Afectados pola AP-9 e a Asociación de Veciños de Chapela. Rivas tamén lles trasladou que con brevidade será convocada a Comisión de Seguimento, que segundo dixo, “non tiña sentido convocar antes sen contar co compromiso firme do Ministerio de Transportes”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *