Hoxe é Mércores 14 de Abril de 2021

Soutomaior abandona o venres o nivel máximo de restricións e pasa a nivel alto

CribadoSoutomaior

Segundo o acordado polo comité clínico na súa reunión deste martes, Soutomaior pasa do nivel máximo ao alto de restricións, xunto a outros 12 municipios (Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado). Os seus habitantes só poderán moverse entre concellos deste mesmo nivel e poderán reunirse cun máximo de catro non conviventes. O interior dos locais de hostalaría debe permanecer pechados, pero si poden abrir as terrazas cun 50 % de ocupación ata as 18:00 horas.

Cribado en Soutomaior

son 2.500 os veciños de Soutomaior que están chamados esta semana a un cribado masivo no Peirao de Arcade para detectar posibles casos de Covid-19. Para iso convócase gradualmente vía SMS telefónico á poboación de entre 30 e 64 anos de idade. De xeito complementario, o Sergas efectúa dous cribados nos centros educativos do municipio de Soutomaior, tanto no CEIP Manuel Padín Truiteiro como no IES de Soutomaior.

Concellos no nivel máximo de restricións

A partir do venres serán seis os concellos galegos no nivel máximo de restricións: Paradela, Vilardevós e Pontecesures entra no nivel máximo, onde xa estaban Boborás, A Mezquita e A Pobra do Brollón. Neste seis municipios están prohibidas as reunións de non conviventes. Tampouco está permitida a mobilidade máis alá do concello. A hostalaría debe permanecer pechada, salvo o servizo de recollida e a domicilio.

Redondela, Pazos e Fornelos en nivel medio

Redondela, igual que o resto dos concellos galegos, segue no terceiro nivel con restricións de carácter medio. Permítese unha ocupación do 30 % no interior de bares, restaurantes e cafetarías e do 50 % nas terrazas, tamén ata as 18:00 horas. Ademais, está permitida a mobilidade con concellos no mesmo nivel e reunións de non conviventes cun máximo de catro persoas.

Os cambios entrarán en vigor na medianoite deste venres 12 de marzo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *