Hoxe é Sábado 4 de Decembro de 2021
Stations
NOTHING FOUND!
Current listeners: 
Peak listeners: 

Redondela pasa ao nivel baixo de restricións, Pazos ao intermedio e Soutomaior ao máis alto

redondelaZonas

Tal e como se prevía pola situación epidemiolóxica, Redondela pasará a partir do venres ao Nivel 3 de restricións, o máis leve, ao baixar dos 250 casos de incidencia acumulada por cada cen mil habitantes. Así o decidiu o comité clínico de expertos, en función dos datos da pandemia en cada Concello. Outros municipios da comarca cambian tamén a súa situación, pero para peor. Baixan a Nivel 2 Pazos de Borbén e tamén Mos. A situación máis preocupante é a de Soutomaior, que pasa a nivel máximo de restricións coa hostalaría pechada e sen mobilidade. Trátase do único Concello de Galicia que queda nesta situación.

Tras coñecer as decisións dos expertos que asesoran á Consellería de Sanidade, a área sanitaria de Vigo mantén dous niveis diferentes no plan de desescalada da Xunta de Galicia. A maioría de concellos, como é o caso de Redondela e Vigo, teñen a maior flexibilización de restricións ao atoparse no Nivel 3. Entre as principais medidas están a mobilidade cos municipios que se atopen nesta mesma fase, a apertura de ximnasios ou piscinas ou a apertura da hostalaría con limitación do 50% de aforamento en terrazas e 30% no interior. Doutra banda, Mos, Pazos de Borbén e Mondariz só terán permitida a mobilidade entre as localidades da súa mesma fase -Nivel 2-, deberán pechar ximnasios e piscinas e a hostalaría só poderá abrir en terraza ao 50%.

O conselleiro de Sanidade, Julio García Comesaña, sinala que a situación mellorou, pero que segue a ser preocupante, polo que pediu responsabilidade mentres non avance o plan de vacinación.

Niveis de desescalada en Galicia desde o 5 de marzo:

Nivel 3

– Apertura da hostalaría con límite ao 30% no interior e de 50% en terrazas e até as 18:00 horas

– Mobilidade permitida en concellos co mesmo nivel.

– Deporte: Poderán abrir ximnasios e piscinas e permítense os grupos de catro persoas non convivientes e con uso de máscara.

– Reunións cun límite de catro persoas

Concellos da área sanitaria de Vigo neste nivel: Redondela, Moaña, O Porriño, Oia, Covelo, Nigrán, Gondomar, Baiona, A Guarda, Ponteareas, Tui, Salceda de Caselas, Cangas, Tomiño, Fornelos de Montes, Salvaterra de Miño, O Rosal, A Cañiza, As Neves, Arbo e Crecente.

Nivel 2

– Reunións cun límite de 4 persoas non conviventes

– Hostalaría poderá abrir só terraza até as 18:00 horas e con aforamento á 50%

– Mobilidade só con concellos coa mesma incidencia

Concellos da área sanitaria de Vigo neste nivel: Pazos de Borbén, Mos e Mondariz

Nivel 1

– Segue no estado de máximas restricións, entre elas o peche perimetral do concello e peche total da hostalaría. O único Concello galego neste nivel é Soutomaior

As áreas sanitarias de Pontevedra e a Coruña permanecen pechadas, no nivel alto de restricións. Por tanto, os seus habitantes só poden moverse a municipios da súa área na súa mesma situación, e os locais de hostalería poden abrir só as terrazas ao 50% de ocupación.A situación sanitaria actual permitirá a partir do venres que se abra a área sanitaria de Ferrol. Levántase o peche perimetral nos municipios que a conforman e os locais de hostalería poderán reabrir o seu interior cun 30 % de ocupación, ademais da metade de prazas nas súas terrazas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *