Hoxe é Mércores 4 de Agosto de 2021

Cribado no IES de Soutomaior ante a alta incidencia da covid no municipio

ies sou

As autoridades sanitarias veñen de autorizar a realización dun cribado xeral entre o alumnado do centro de ensino de secundaria de Soutomaior coa finalidade de detectar o maior número de persoas asintomáticas neste concello, que dende o venres estará no máximo nivel de restricións dada as cifras de incidencia acumulada que nos últimos catorce días sitúanse por riba dos cincocentos casos por cen mil habitantes.

Dende o centro educativo fan un chamamento á colaboración das familias e os titores legais do alumnado para que autoricen a realización deste cribado co obxectivo de detectar posibles contaxiados de coronavirus e así reducir o avance da pandemia nesta localidade que o venres converterase no único concello de Galicia en nivel máximo de restricións o que suporá o peche da hostalería, a prohibición das reunións entre non conviventes e a limitación da mobilidade fóra do municipio.

Unha decisión que tomaba o comité clínico e que responde, segundo explicaba o conselleiro de Sanidade, Julio García Comesaña, aos datos de incidencia acumulada. Así, a sete días a incidencia é superior a 250, con 24 novos contaxios detectados pero as cifras empeoran a dúas semanas vista, onde foron 41 os novos diagnosticados o que supón unha incidencia por riba dos cincocentos casos por cen mil habitantes segundo os datos deste mércores do SERGAS.

Conselleiro Sanidade, Julio García Comesaña

O alcalde de Soutomaior, Agustín Reguera, recoñece que a situación “segue sendo preocupante” pero amósase convencido de que será por pouco tempo e insta á cidadanía a seguir “facendo as cousas ben” e cumprindo as normas para conseguir baixar os contaxios como aconteceu no mes de febreiro no que a incidencia acumulada descendeu dos 160 casos aos 40.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *