Hoxe é Sábado 4 de Decembro de 2021
Stations
NOTHING FOUND!
Current listeners: 
Peak listeners: 

Mantense a cancelación da feira en Redondela ante “a falta de cambios significativos” na evolución da pandemia

feira

Malia que a normativa galega permite na actualidade a celebración das feiras mentres se garantan certas medidas de seguridade como o incremento da distancia entre os postos, o concello de Redondela mantén a suspensión da súa celebración este domingo, 21 de febreiro, ao non “darse cambios significativos na evolución da COVID-19 no termo municipal”. Segundo os datos do Servizo Galego de Saúde deste mércores os novos casos diagnosticados nos últimos 14 días son 150, o que supón unha incidencia acumulada de 424 por cada cen mil habitantes.

Ante esta situación, o concelleiro de Feiras e Mercados, Vicente Lamas, e a alcaldesa de Redondela, Digna Rivas, lembran que a situación con respecto á COVID-19 en Redondela “segue a ser a mesma que hai dúas semanas, cando se suspendeu a feira do día 6”. Consideran que cando as autoridades sanitarias seguen facendo chamamentos continuos para “ evitar aglomeracións de persoas” como unha das ferramentas para diminuír a taxa de contaxios, “non sería responsable permitir a celebración da feira do domingo cando as circunstancias seguen a ser as mesmas que hai dúas semanas”con Redondela no nivel máximo de restricións e con peche perimetral.

Dende que comezou este 2021, a feira só se puido celebrar nunha ocasión, o seis de xaneiro, coincidindo co día de Reis.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *