Hoxe é Martes 30 de Novembro de 2021
Stations
NOTHING FOUND!
Current listeners: 
Peak listeners: 

Comezan as obras de mellora da rúa San Xoán de Arcal

San Xoán de Arcal 01

Na primeira fase, os traballos centraranse en incrementar a accesibilidade e seguridade dos peóns. Unhas obras que teñen como obxectivo rematar coas deficiencias que presenta esta vía con beirarrúas con roturas en varios puntos, falta de continuidade e con elevacións de ata 30 centímetros o que dificulta o tránsito de peóns, especialmente, ás persoas con mobilidade reducida. Eivas, ás que hai que sumarlle o mal estado do firme e o perigo que supón unha curva que presenta unha excesiva pendente o que obriga aos vehículos a invadir o carril contrario.

Persoal da Deputación de Pontevedra traballa estes días nas obras de mellora na rúa San Xoán de Arcal, traballos solicitados polo Concello de Redondela á administración provincial ante as numerosas deficiencias que presentaba esta rúa tanto para a circulación de vehículos como o tránsito de persoas.

A primeira fase en execución céntranse na elevación das arquetas de recollida de augas para evitar asolagamentos e a limpeza das que están obstruídas. Algunhas delas están cubertas por asfalto dende hai anos o que impide a evacuación das augas pluvias da vía. Tamén se actuará sobre as beirarrúas co fin de mellorar a accesibilidade e a comodidade dos viandantes e garantir, así, a súa seguridade. Nesta liña, estanse a colocar tubaxes nas beiravías para, posteriormente, cubrilas e facelas transitables.

A alcaldesa Digna Rivas, adiantou que cara ao verán, “acometeranse obras de máis calado” como a rebaixa da inclinación da curva para facela máis segura así como o asfaltado da rúa eliminando as fochancas e os numerosos parches producido pola realización de obras de condución.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *