Hoxe é Xoves 9 de Decembro de 2021
Stations
NOTHING FOUND!
Current listeners: 
Peak listeners: 

O Choco escala posicións ao superar ao Atios

ChocoAtios1

Terceira División

Atios 0-2 Choco

O equipo de “Gonza” suma tres novos puntos tras vencer a domicilio no derbi contra o UD Atios.

O tanto de Guille no minuto 31 e o de Mario no 50 fixeron xustiza nun partido con dominio redondelán. O Choco, tras un minutos de inicio de tanteo, esperou con paciencia o momento de morder e foi entón cando chegou o primeiro tanto. Ata entón poucas foron as ocasións creadas por ningún dos dous bloques, sendos o equipo local o que máis o intentaba dende o saque de esquina. Ata que no 31 chegou o primeiro gol nunha contra na que, tralo primeiro tiro de Comis dende o lateral esquerdo, saca Diego e no rexeite téntao Óscar Gil dende dentro da área sen sorte. O segundo rexeite sería aproveitado por Guille, que sacou a súa mellor versión cun tiro coa esquerda e anota o primeiro da tarde. Só 4 minutos despois Jony tentaría igualar o partido, pero Cortegoso impide o tanto cunha boa intervención. E co 0-1 chegouse ao descanso. Tralo paso por vestiarios, o dominio do CD Choco foi total, creando ocasións de perigo mentres o UD Atios xogaba balóns en longo.

No 50 nunha acción a balón parado de falta que é executada por Óscar Gil e rematada por Mario, sobe o segundo do partido. A partir deste segundo gol o Choco tentou sentenciar, e tivo varias ocasións, pero o luminoso xa non se moveu. Nesta segunda metade sería expulsado o adestrador local, Jose Tizón. Estes tres puntos deixan ao Choco no 3º posto da táboa, con opcións de pensar en obxectivos máis ambiciosos que a ansiada permanencia. Esta fin de semana hai parón ligueiro, só se disputarán os partidos aprazados. Cando se retome a competición o Choco recibirá ao Estradense, na parte baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *