Hoxe é Venres 14 de Maio de 2021

Vitoria da SAR Rodavigo en Lavadores

SARLavadores_n

División de Honra Prata Feminina

Vigo Lavadores 26-29 SAR Rodavigo

Excelente resultado do equipo de Elisardo González “Chini” fronte ao Lavadores. As sospeitas do adestrador de que o partido ía estar marcado pola dificultade foron certas, tanto que o marcador reflectía resultados favorables ao equipo local, chegando ao descanso con 5 goles de diferencia. Pero as mozas da SAR non baixaron os brazos, e foron de menos a máis. Un bo traballo en defensa e a actuación de Goretti en ataque, con 9 puntos, conseguiron reverter a situación a falta 5 minutos do final.

Primeira Nacional

Granitos 22-31 Rodosa Chapela

O Rodosa Chapela foi moi superior na súa visita aos Granitos Ibéricos Carballal. Gran partido dos de Teixeira, con moita seguridade defensiva e escasas perdas en ataque. O equipo local chegaba ao choque con numerosas baixas e a elas houbo que sumarlle a do último momento do seu adestrador, cun cólico nefrítico. Os Granitos non estivo fino e o Chapela non desaproveitou a ocasión.

SAR Plastic Omnium 24-29 Carnes do Ribeiro

O equipo de Pablo Muíños acusou as baixas, e tras unha boa primeira parte onde alcanzaron unha renda de 3 goles, chegaron ao últimos dez minutos de partido faltos de osíxeno. O Ribeiro aproveitou esta situación para adiantarse no marcador, asinando un 24-29 como resultado.

A semana que vén será unha xornada de Derbis. A SAR Rodavigo recibirá ao Meaño noutro derbi galego, mentres que a SAR Plastic Omnium e o Balonmán Chapela disputan o clásico derbi redondelán.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *