Hoxe é Venres 14 de Maio de 2021

O goberno local de Soutomaior defende a xestión das multas da Policía Local

PlenoSoutomaior

No pleno telemático celebrado onte no Concello de Soutomaior o goberno local quixo pechar a polémica sobre a xestión das multas da Policlía Local. O concelleiro de Seguridade, Fernando Crespo, achegou a documentación que acredita que os auxiliares poden emitir denuncias “achegando unha proba de veracidade da infracción”. Tanto o goberno local como a intervención municipal certificaron “a correcta tramitación” das multas cursadas pola Policía Local nos últimos meses. Malia as denunicias por parte do BNG sobre a capacidade dos auxiliares de emitir denuncias, Crespo achegou diversas sentenzas xudiciais que referendan o procedemento seguido polo Concello estipulando que cando un auxiliar de policía realiza tarefas de apoio a única diferenza cun axente durante unha denuncia é que o auxiliar non goza do principio de credibilidade propio das forzas de orde pública “polo que ten que achegar unha proba de veracidade da infracción denunciada”, explica o edil, que puxo como exemplo “unha foto se hai un coche mal aparcado”. Fernando Crespo atribúe as denuncias do BNG “a un profundo descoñecemento da norma”. Do mesmo xeito, o edil aclarou a discrepancia sobre o número dos axentes que tramitaban as denuncias indicando que o problema é “que o programa informático para o envorcado de datos non estaba adaptado para os números dos auxiliares e non cabía a identificación completa, polo que tamén se identificaba ao auxiliar denunciante no boletín e en toda a información que se enviaba”. Unha acción que se realizou “coordinadamente co ORAL e con total transparencia”, explicou Crespo.

Pero irregularidades desveladas, tamén inclúen outros posibles delitos derivados do feito de que a policía local puxese multas nun horario nos que non había policías de servizo ou que o propio concelleiro de tráfico recoñeza nun documento oficial que tanto el como o alcalde asumían as funcións do órgano de xefatura da policía local, algo que de confirmarse sería tamén absolutamente ilegal.

Investigación xudicial

Desde o BNG advirten que existen outras “presuntas irregularidades” relacionadas co feito de que os auxiliares de policía local realizasen funcións “só permitidas aos vixiantes muncipais”. O concelleiro Manu Lourenzo advirte que existen multas “fóra do horario da policía” ou o feito de que o volcado de datos “se fixese co número de axente dun policía en excedencia”. Lourenzo solicitou que o propio Concello puxese a documentación que ten no seu haber e que afecta a estas presuntas irregularidades a disposición da Fiscalía e do Xuzagado, proposta que rexeitou o alcalde, Agustín Reguera, alegando que xa hai unha investigación aberta.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *