Hoxe é Venres 14 de Maio de 2021

Redondela reforza o servizo de limpeza viaria cun vehículo varredor

Varredora para Redondela

A nova varredora utilizarase para realizar a limpeza nas zonas urbanas do municipio, o que permitirá ás brigadas municipais reforzar a limpeza viaria nas parroquias. O vehículo foi entregado onte ao Concello en presenza da alalcadesa, Digna Rivas e os concelleiros de Vías e Obras e Limpeza Viaria, Vicente Lamas e Alberto Álvarez, respectivamente. A rexedora local salienta que grazas a esta máquina haberá máis persoal dispoñible para o servizo en diferentes puntos do municipio. A varredora “permite unha limpeza a fondo das zonas urbanas, combinando versatilidade, rapidez e economía” apunta Rivas. Amais de limpar cun sistema que combina o varrido e o aspirado coa pulverización de auga, está equipada cun sistema de fregado “capaz de eliminar as manchas de aceite” e mesmo pode utilizarse puntualmente para combatir as xeadas “xa que pode ser dotado dun sistema de estendido de salmoira”, sinalan desde o goberno local. Rivas subliñou o feito de que o sistema que utiliza este novo vehículo “é totalmente respectuoso co medioambiente xa que a auga asegura a contención do po e emisión de aire limpo e, a maiores, posúe un sistema de illamento que minimiza os impacto acústico”. Salienta a alcaldesa que está é “unha aposta pola limpeza viaria” para a veciñanza, e tamén para dar “boa imaxe” aos milleiros de peregrinos que todos os anos pasan por Redondela e que neste 2021, Ano Santo Compostelano “se intensificará aínda máis”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *