Hoxe é Mércores 4 de Agosto de 2021

Miguel Ángel Vidal: “O xadrez educativo mellora a aprendizaxe a calquera idade”

Xadrez

A concentración, a reflexión ou a visión espacial son aspectos cognitivos que poden traballarse a través do xadrez e os sudokus, os dous pilares do libro “Sudokus Chess” que acaba de publicar este profesor do IES Pedro Floriani de Redondela. Asegura que “xogar sempre é a mellor maneira de aprender.”

Esta non é a primeira publicación de Vidal, autor tamén da obra “Doblando las Mates”, no emprega o origami como ferramenta para aprender matemáticas. Agora, grazas a que a Consellería de Educación incluiu o xadrez como agisnatura optativa nos centros de ensino, animouse a elaborar este libro “co que os mestres poden animarse a impartir esta asignatura”. Non se trata de facer “expertos en xadrez”, senón de empregar este deporte no ámbito do ensino, os seus movementos, as diferentes pezas e os casilleiros “para traballar aspectos como a concentración, a reflexión, a visión espacial e mesmo os idiomas”.

No IES Pedro Floriani xa probou esta metodoloxía cos seus alumnos, que responderon de maneira moi positiva “xa que desperta a súa curiosidade”. O libro ofrece diferentes niveis de dificultade e tamén distintas tipoloxías de sudokus “para que cada un escolla o que lle resulte máis interesante”

En Sudokus Chess presenta tres partes: unha para uso persoal, outra como xogo en pequenos grupos e unha terceira para obradoiros educativos, con fichas e láminas. Olibro pode empregarse con rapaces a partir dos 6 anos, co apartado de iniciación, e utilizalo para todas as etapas educativas posteriores. Ademais, omaterial resulta tamén moi útil para traballar con persoas maiores “para traballar a memoria e outros aspectos cognitivos que se van deteriorando cos anos”.

Este libro é o primeiro dunha colección de 8 volumes nos que Vidal está a traballar. Forma parte da colección de Talleres de Mente Activa de Educacachess. Poden adquirirse directamente na editorial Balàgium.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *