Hoxe é Domingo 17 de Outubro de 2021
History
Stations
NOTHING FOUND!

As obras de saneamento obrigan a cortar o tráfico no Camiño de Parada en Chapela

corte trafico

O peche só se manterá mentres os operarios traballen na zona e prevese que as obras rematen en dúas semanas.

A Concellería de Medio Ambiente informa do corte temporal na circulación de vehículos no Camiño de Parada, na parroquia de Chapela por mor das obras que a empresa Aqualia está a realizar. Uns traballos que consisten na reposición do saneamento no Camiño de Parada no cruzamento co Camiño da Pega, o que obriga a cortar a circulación durante o horario no que se executen as obras.

Dende o departamento de Medio Ambiente aconsellan á veciñanza que utilice vías alternativas como o Camiño da Lavandeira, a Subida á Traída ou a Subida Pé do Pandeiro, aínda que a estrada volverá abrirse á circulación fóra do horario laboral dos operarios de Aqualia.

A previsión do concello, é que en dúas semanas se restableza a normalidade no tráfico unha vez finalicen as obras na rede de saneamento, aínda que dependerá, advirten, da evolución dos traballos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *