As dúas organziacións sindicais denuncian “desigualdades e presións” que afectan aos traballadores do Concello de Redondela. Explican que leban meses reclamando medidas concretas do goberno local que pasan por “cubrir as baixas laborais e convocar unha oferta pública de emprego”. Demandan “uns criterios obxectivos e maior transparencia” nas decisión que afectan ao cadro de persoal, para evitar “situacións de desigualdade”. Denuncian que varios traballadores e traballadoras están a sufrir “presións” por parte do goberno local “tanto en horas laborais como fóra do horario establecido” e mesmo “medidas de represión” contra os representantes sindicais “por defender os dereitos laborais”. CSIF e CIG solicitan ao goberno local “un diálogo honesto” que poña por diante “a mellora dos servizos públicos, a transparencia nas decisións, o respecto aos dereitos laborais e a defensa das condicións óptimas de traballo fronte a situacións de desigualdade”.
