Hoxe é Venres 27 de Novembro de 2020

Un novembro sen feirantes

feira

O mes de setembro queda sen as tradicionais feiras dos día 6 e 21. Malia que nun primeiro momento dende o Concello anunciaran só a suspensión da feira do pasado día 6 finalmente decide cancelar tamén a que debía celebrarse o vindeiro sábado día 21. Está no aire unha das máis multitudinaria e comerciais de todo o ano, a que se celebra o día da Constitución, o 6 de decembro e que queda “a expensas da evolución da covid e dos novos escenarios que se poidan dar”. Unha medida adoptada tamén polo concello veciño de Soutomaior que decidiu suspender as dúas feiras de novembro e que non descarta manter a prohibición no vindeiro mes.

As novas directrices da Xunta para a celebración deste tipo de actividades, cun número de postos non superior ao 50% e limitacións na afluencia de público para garantir o distanciamento social, obrigan a suspender estes mercadiños ante a imposibilidade de cumprir algún destes requisitos. Agora estudan alternativas de ampliación de espazo e control de aforo para o mercado do día 6 de decembro, un dos que tradicionalmente contan cun maior número de visitantes, compradores e feirantes, ao coincidir co festivo do Día da Constitución.

Lembramos que a día de hoxe continúan en vigor os requisitos aprobados pola xunta que limitan o aforo de clientes e tamén de vendedores. O concello de Redondela considera que “ao decidir que postos se poden colocar ou cales non, estaríase a provocar un agravio comparativo con aqueles que, por decisión do goberno local, non poderían estar presentes na feira”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *