Hoxe é Sábado 16 de Outubro de 2021
History
Stations
NOTHING FOUND!

Chapela contará cunha Oficina de Xestión Tributaria dende este mércores

recadacion

Os veciños de Chapela xa non terán que achegarse ata o casco urbano de Redondela para facer xestións relacionadas coas taxas e os impostos municipais. Esta semana, o 18 de novembro, abre unha oficina de Xestión Tributaria e Recadación no número 19 da Avenida de Redondela con atención presencial os mércores en horario de 9.00 da mañá ás 14.00 horas. A atención, mentres dure a pandemia, será só con cita previa.

O Concello habilita unha nova Oficina de Xestión Tributaria e Recadación en Chapela, co obxectivo de “evitar desprazamentos innecesarios aos veciños da parroquia máis poboada do municipio, axilizar os trámites e achegar á administración á cidadanía”. Ata o momento todos os redondeláns que tiñan que facer algunha xestión relacionada con taxas e impostos presencialmente tiñan que achegarse ata a oficina situada na Avenida Ernestina Otero, 35.

Nestas novas instalacións, situadas nos baixos do pavillón de Chapela, poderán facerse todas as xestións relacionadas cos tributos, como o rexistro e presentación de solicitudes e instancias de ámbito tributario, emisión e/ou domiciliación de recibos, fraccionamentos, liquidación de taxas, ou calquera outra xestión que teña relación cos impostos e taxas municipais.

Unha oficina que terá atención presencial un día a semana, os mércores en horario de mañá (9.00 a 14.00) aínda que por mor da situación sanitaria e mentres dure a pandemia será preciso solicitar cita previa no teléfono de Atención ao Contribuínte, 986 408 374, ou no enderezo de correo electrónico, redondela@canaltributos.com.

Por mor da COVID-19 e para garantir a seguridade da cidadanía, o Concello recomenda que se utilice a Oficina Virtual, https://redondela.tributoslocales.es, a vía telefónica ou o correo electrónico ademais da domiciliación dos impostos e taxas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *