Hoxe é Mércores 25 de Novembro de 2020

Soutomaior reforza a atención durante a pandemia cunha nova oficina de Servizos Sociais

multiusos

O Concello de Soutomaior vén de habilitar unha nova oficina no edificio Multiusos de Arcade para ampliar e reforzar a cobertura dos Servizos Sociais municipais. O obxectivo é achegar todo o posible este servizo á cidadanía durante a actual pandemia sanitaria, que está a provocar un significativo aumento das solicitudes de axudas sociais de emerxencia.

Segundo indicou a edil de Servizos Sociais, Cristina González, esta nova oficina servirá para que aqueles veciños que non dispoñen de vehículo ou non poden desprazarse até o Concello poidan recibir de primeira man toda a información e axuda necesaria para realizar os trámites oportunos. “Nestes momentos é fundamental achegar todo o posible este servizo á cidadanía para que ninguén quede atrás”.

A nova oficina, que se suma á xa existente na Casa do Concello, xa se atopa en servizo e atenderá a todos os veciños que o necesiten os mércores en horario de 09:00 a 14:00 horas.

Do mesmo xeito, a edil indicou que esta oficina prestará servizo durante todo o período de alerta sanitaria e que este período se poderá ampliar en función das necesidades da poboación.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *