Hoxe é Mércores 25 de Novembro de 2020

Ferido un veciño de Chapela tras ser golpeado polo seu propio coche

alexandre

Un home de 43 anos de idade resultou ferido grave tras sufrir un incidente co seu propio vehículo na rúa Alexandre Bóveda en Chapela. Os feitos, segundo informa a Policía Local, tiveron lugar ás 19:00 horas do mércores cando o condutor detivo o vehículo na rúa na que reside, e que presenta unha forte pendente, para ir abrir o portal do garaxe, onde tiña previsto aparcar.

Unha vez fora do vehículo decatouse de que este botaba a andar, posiblemente por non ter asegurado o freo de man. Nun intento de deter o vehículo, o condutor tentou abrir a porta e meterse no interior, momento no que o coche colidiu contra unha columna dándolle un golpe no peito. A causa do impacto, caeu no chan cunha forte dor sendo trasladado posteriormente en ambulancia a un centro hospitalario, onde quedou ingresado, posiblemente con algunha fractura nas costelas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *