Hoxe é Domingo 29 de Novembro de 2020

Prenden lume aos baños públicos da área recreativa de Aranza

lumesouto

Un incendio destruíu a pasada noite os servizos públicos instalados na área recreativa de Aranza. A caseta de madeira que aloxa estes baños quedou completamente inservible. Uns danos que o Concello de Soutomaior calcula en máis de 5000 euros. Todo apunta a un incendio provocado polo que a policía local solicita a colaboración cidadá para identificar aos culpables.

Os feitos teríanse producido pasada a unha da madrugada do xoves cando se reciben varios aviso na central de Emerxencias do 112 e de varios veciños da zona polo lume procedente desta instalacións en Aranza. Até o lugar desprazouse o retén de garda de Protección Civil de Soutomaior, comprobando que  a subministración eléctrica estaba desconectado, o que descarta que o incendio fora provocado por un cortocircuito.

Tras os primeiros traballos de extinción os efectivos de Protección Civil observan que, a pesar de que o lume parece extinguido, o interior dos paneis de madeira está recuberto por un illante térmico-acústico altamente inflamable, polo que deciden esperar á chegada do operativo dos bombeiros do Morrazo para que extingan o incendio cunha espuma especial que evita a entrada de osíxeno e garante que a combustión se deteña. O lume deuse por extinguido ás 04:00 da madrugada.

O alcalde, Agustín Reguera, lamentou estes actos vandálicos e indicou que o Concello xa cursou a pertinente denuncia antes a Garda Civil ademais de solicitar a participación do grupo especial de incendios deste corpo para o esclarecemento dos feitos. Unha tarefa na que tamén traballa a Policía Local de Soutomaior buscando testemuños dos veciños da zona.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *