Hoxe é Martes 24 de Novembro de 2020

Augas de Galicia reclama unha taxa aos veciños por limpar o río Maceiras

limpezario

A xornada de limpeza, convocada pola Asociación de veciños de Chapela en colaboración con Concello , tiña lugar a finais do pasado mes de setembro e servía para retirar das canle e as inmediacións do río todo tipo de lixo e obxectos. Iniciativas que se repiten periodicamente e que buscan ademais de mellorar o aspecto da nosa contorna, concienciar sobre a necesidade de manter limpos os ríos. A sorpresa chega cando Augas de Galicia lle remite ao colectivo veciñal unha factura en concepto de taxas, algo que cualifican de “inaudito”.

O presidente da Asociación amosa o seu malestar logo de ter recibido a reclamación de 36 euros en concepto de taxas por ter acometido a limpeza do río. Malia tratarse dunha cantidade simbólica non entenden como o organismo dependente da Xunta “non só non fai o seu traballo, xa que deberían ser eles quen se encargaran da limpeza dos ríos, senón que nos pasan unha taxa por retirar o lixo do Maceiras ao seu paso por Chapela”.

A Asociación de Veciños critica que se lles cobre por facer un traballo voluntario

Unha limpeza que tiña lugar na última fin de semana de setembro e na que participaron ao redor de 20 veciños, quen retiraron todo tipo de lixo (botellas de plástico, vidros, ferruxe, xoguetes infantís, cordas, rodas ou incluso unha porta dun coche).

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

4 respostas

  1. Pois a Xunta cobra por as licencias de pesca e mais os cotos.
    Os ríos están feitos unha cloaca, nono os limpan. Os eucaliptos plantanos incumplindo a leí.
    E para eles, nin multa ni taxas…. Asi imos

  2. Están de broma, non?. A seguinte limpeza debería sufragala Augas de Galicia. Coa falla que fai a divulgación nestes temas e están queimando a xente que se move por cambialas cousas, lamentable.

  3. Como sempre a administración a tocar o carallo, éste organismo e da xunta de galiza e está nas mans do PP, pois que sigan votando ó PP ata que nos quiten a sanidade pública o ensino público etc. e nos cobren taxas por todo.

Deixa unha resposta

O teu enderezo electrónico non se publicará Os campos obrigatorios están marcados con *