Redondela, Chapela, Cabeiro, O Viso, Reboreda e Saxamonde recuperan as clases de taichí que se viran suspendidas no pasado mes de marzo como consecuencias do decreto do Estado de Alarma. Dende o Concello lembran que estas actividade física desenvolverase respectado escrupulosamente as medidas sanitarias.
Logo de terse reiniciado as clases na modalidade ao aire libre durante este verán na Alameda de Redondela e no xardín do Multiúsos de Chapela, retómanse agora as clases nas parroquias de Redondela, Chapela, Cabeiro, O Viso, Reboreda e Saxamonde.
En canto ao lugar onde se desenvolverán as clases, poderán ter algunha modificación con respecto ao pasado ano buscando, onde sexa preciso, instalacións máis amplas que permitan garantir o mantemento da distancia de seguridade e a correcta observación das medidas de prevención e protección en materia de saúde e hixiene.
Para solicitar información ou aclarar as dúbidas que poidan xurdir, as persoas interesadas poden contactar directamente co Departamento dos Servizos Sociais Comunitarios Básicos do Concello de Redondela a través do número de teléfono 986 402 608.
