Hoxe é Mércores 28 de Outubro de 2020

Redondela lamenta que a Xunta avale a apertura da casa de apostas en Ernestina Otero

RR_Noticias

O Concello intúe que a Xunta dará a coñecer a resolución favorable á súa apertura “despois das eleccións” malia que a inspección se realizou o pasado 2 de xuño. A forte oposición a esta instalación, próxima a zona escolar e deportiva de A Marisma, e as numerosas alegacións presentadas non impedirán a empresa promotora, Unión de Operadores Reunidos, poñer en marcha o negocio unha vez obteñan a autorización definitiva.

O goberno local asegura que a Xunta autorizará “en breve” a apertura da casa de apostas na vila, unha instalación á que se opoñen veciños ao estar situada preto de instalacións escolares e areas deportivas utilizadas pola infancia e mocidade do municipio e que foi motivo de numerosas mobilizacións ao longo de varios meses.
Dende o Concello lamentan “que a Xunta faga oídos xordos ás reclamacións veciñais” e intúen que “a resolución favorable darase a coñecer pasadas as eleccións do 12 de xullo, a pesar de que a inspección se realizou o pasado 2 de xuño e o resultado foi favorable a dita apertura”. Entenden que ocultar este feito amosa unha evidente “covardía política ante unha cita electoral”.
“Non é de recibo -asegura a alcaldesa Digna Rivas- non só que se ignore a oposición frontal da veciñanza en contra da apertura desta casa de apostas, senón tamén que o goberno do PP da Xunta agoche a intención de autorizala ata pasadas as eleccións”.
A alcaldesa sinalou que unha vez que o Goberno galego dea luz verde á instalación deste negocio “o Concello estará obrigado a conceder a correspondente licenza para que abra as súas portas”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *