O escaparate da Disco Tasca na rúa Pai Crespo de Redondela retoma a súa función expositiva e faino coa instalación “Casas Doentes “de Fon Conde onde presenta unha serie de maquetas a modo de colaxe en branco e negro de casas abandonadas, algunhas xa inexistentes, de Redondela e as súas parroquias.
Nova proposta que ocupa o espazo artístico Minima Expresión polo que xa pasaron 17 instalacións dende que comezou a súa andaina a principios do ano 2015 como espazo aberto para á arte e novas erxpresións artísticas.
O colectivo Pitrina está detrás desta orixinal proposta, un espazo artístico de tamaño reducido “seguramente o máis pequeno do mundo” para achegar a arte ao público en xeral e que busca espertar o interese de artistas e espectadores.