Hoxe é Martes 1 de Decembro de 2020

O CPA Bolboreta Redondela estará no Campionato de España Show que se disputa en Lleida

RR_Noticias

Logo de clasificarse co espectáculo “Líbranos del mal” no Campionato Galego celebrado en Vigo, o grupo de patinaxe artística participará na proba estatal que se celebra en Lleida no mes de marzo. Nos días que restan “pefeccionarán” a actuación e preparan a viaxe á cidade catalá, que inclúe tamén “unha delicada escenografía”.

O presidente do club, José Manuel Albá, e a adestradora Ainhoa Rodríguez, non poden estar máis orgullosos das dúas patinadoras e patinadores. Aseguran que todos son “unha gran familia” da que forman parte máis de 120 deportistas desde os 3 ata os 18 anos. Son 47 os que teñen licencia federada, e o resto practica a patinaxe nas diferentes escolas deportivas que dirixe o club. Malia ser un club con poucos anos de historia, está a facerse un oco entre os máis importantes de Galicia. Os bos resultados son posibles grazas á implicación da directiva, as familias, e sobre todo dos rapaces, que dedican moitas horas a adestrar e están moi comprometidos co deporte. “Líbranos del mal” O programa como que lograron a clasificación para o Campionato de España titúlase “Líbranos del mal”, no que participan 13 patinadoras e 3 patinadores. Un espectáculo cunha posta en escea “arriscada e sorprendente”, como explica a adestradora. Agora teñen un mes por diante para seguir perfeccionando o programa, e tamén para preparar a longa viaxe a Lleida. Será os días 14 e 15 de marzo. Deben trasladar, non só aos deportistas, senón tamén todo o material de patinaxe e a escenografía que acompaña ao show. Son conscientes de que teñen traballo por diante para recadar fondos, sinalan que buscarán “debaixo das pedras”, e non teñen dúbida que asistirán. O grupo que representará a Redondela nesta cita está formado por Michele, Laura D., Paula C., Aixa, Pablo G., Paula R., Hugo, Pablo C., Carla, Laura A., Yaiza, María, Aroa, Noa, Nerea e Sara. Desde o club amosan tamén o seu agradecemento a toda a afección que os anima e apoia, aos colaboradores e patrocinadores, e á concellería de Deportes de Redondela.

Traballo e compromiso
O presidenteJosé Manuel Albá e a adestradora Ainhoa Rodríguez coinciden en que o éxito do club se debe á implicación e compromiso dos patinadores.
"Líbranos del mal"
Un espectáculo cunha posta en escea "arriscada e sorprendente" como explica a adestradora.
Campionato de España en Lleida
Agoran preparan a viaxe na que tamén teñen que trasladar toda a escenografía. Teñen traballo por diante pero non hai dúbida de que asistirán.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *