Hoxe é Martes 26 de Xaneiro de 2021

Amarturmar leva o seu proxecto de turismo mariñeiro ao Parlamento europeo

RR_Noticias

Esta viaxe enmarcase dentro do proxecto da Rede Aktea de mulleres europeas na pesca e servirá para que se poidan poñer enriba da mesa a problemática do sector e dar visibilidade a este proxecto que acaba de nacer. Nunha das intervencións, na que participarán convidados pola euerodeputada do BNG, Ana Miranda presentarán e difundirán a actividade das mariscadoras e do turismo alternativo, destacando a súa ubicación en Rede Natura 2000.

Amarturmar naceu hai pouco máis dun ano dunha iniciativa protagonizada principalmente por mariscadoras, que conxugan o seu traballo co turismo alternativo e respectuoso con medio mariño. Neste ámbito realizan visitas que achegan aos participantes aos traballos do mar como o marisqueo tanto a flote como a pé ou a pesca con diferentes artes.
A visita desenvolverase do 24  ó 26 de febreiro e está financiada con cargo ao programa de visitas do Parlamento Europeo para grupos políticos.
O responsábel local, Anxo Lusquiños, destacou que “novamente un sector vinculado co mar de Cesantes, vai ter protagonismo en Europa da man do Bloque Nacionalista Galego”. Para o Portavoz Municipal, Xoán Carlos González “trátase dunha iniciativa moi relevante a potenciar e máis tendo en conta que son principalmente mulleres mariscadoras as que están o fronte deste colectivo. Confírmase que as actividades respectuosas co noso medio mariño, poden ter futuro, garantindo postos de traballo de calidade”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *