Hoxe é Xoves 29 de Xullo de 2021

Protagonismo redondelán no Campionato Galego de Fútbol Sala

RR_Noticias

Lalín acolleu esta fin de semana as fases finais dos diferentes Campionatos Galegos de Seleccións Comarcais de Fútbol sala. Neste campionato o Redondela F.S. tivo seis representantes nas diferentes seleccións. Todo un “premio” para o club, que se amosa moi satisfeito e felicita a xogadores, técnicos e familias.

A delegación de Vigo, que meteu a todos os seus equipos a excepción do alevín na fase final, realizou un gran campionato. Regresou co título nas categorías de Infantil masculino e feminino e o subcampeonato para a categoría Alevín feminino e Benxamín. Neste campionato o club Redondela F.S. tivo seis representantes nas diferentes seleccións. Os infantís Lucía Casal, Antón González, Antón Pérez e Nico Cuello conseguiron proclamarse campións galegos. Na categoría Benxamín, Martín Conde e o seleccionador Enrique Dávila acariñaron o campionato pero finalmente quedaron ás portas nunha axustada final ante a selección de Santiago.
Para o club “é un premio” volver ter representación nas diferentes seleccións de Vigo e un recoñecemento “ao traballo e esforzo realizado para fomentar este deporte en Redondela”. O club tamén se atopa “moi satisfeito” cos resultados obtidos neste torneo xa que se pon de manifesto que a filosofía de traballo e formación da base “cimentada no compañeirismo, esforzo, diversión e traballo en equipo non está rifada coa consecución de éxitos deportivos”. A Directiva, corpo técnico e todos os que forman parte do Redondela Fútbol sala felicitan aos xogadores e ao adestrador “por este merecido premio”, pero non se esquecen das súas familias, compañeiros e resto de corpo técnico “que contribúen día a día co seu bo facer tanto dentro como fóra dos terreos de xogo”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *